مبدعو مصر
بعز الحرب ياولدى
دمك زى العسل والسكر
وكل ماتزيد البلايا
كل ماتتغلف بالوطن اكتر
يلعن ابوه اللى قال
عن جيشنا ده عسكر
وحياة كتاب ربنا
احلى شباب البلد
يارب زيد كتر
يحميكى ربي يامصر
من خونه بتعسكر
علشان يخون جيشنا
ودمه يتبحتر
احنا الاسود بالحروب
ووقت نكشف عيوب
دمنا سكر
ووقت فتح النار
بصدور ولادك ندافع
وبنكبر
الله اكبر يابلدى
الله اكبر ياولدى
ولمصر هنعمر
واللى يخون الوطن
واللى يعادى البطل
يقتل وبيدمر
انا ابن مصر البلد
واخويا هو الولد
وسلاحه متعمر
لكل جاحد يعادى
اوكلب عجبه الكلام
يقوم ويتنمر
انا الجهاد لعبتى
وشمعتى
وسط الظلام بتنور
واموت بكل الصفا
ومصر تفضل عزيزه
وتتغندر
اول ماتيجى الحقيقه
يابلدى كل الجند
بتشمر
احنا حماكى هنا
ودمى زرعه هنا
مهما العـدا يكتر
انتى كبيره يامصر
بجيشك ولاد شعبك
الله اكبر
واللى يعادينا بترابك
مليون شهيد سبقونى
لحماكى لا واكتر
والدور على انتصر
للحق وقت الالم
وبعزتى اكبر
الله اكبر يابلدى
ياحاميه ناسى وولدى
الله اكبر
………….. احمد عامر ………….
ننوه ان كل ماينشر حق فكرى مسجل بالهيئات المنوطه
