مبدعو مصر
لما تدوس على أرض مصر
حاسب وسمي عليها
أرضي مرويه بدمانا
والمولي وحده بيحميها
لما تدوس على أرض مصر
قوم وصلي بين ربوعها
وأشرب من نيلها وأتمني
إنك من تاني ترجعها
لما تدوس على أرض مصر
أسأل أجراس الكنايس
اللي في حضن المآذن
والمولي وحده اللي حارس
لما تدوس على أرض مصر
حاول تنزل في رمضان
هاتشوف أجمل ماف حياتك
الغني جنب الغلبان
لما تدوس على أرض مصر
إخلع نعلك أسجد فيها
بلد الأزهر والعلماء
والقرآن بيمجد فيها
لما تدوس على أرض مصر
كل رمله من رمالها
فيها تفصيله جليله
تحكي عن روعة رجالها
لما تدوس على أرض مصر
إنحني لعظمة تاريخها
فيها خير جند الأرض
والأمان ساكن تباريحها